Current
·
C2
·2026-11
ایران پر دوبارہ حملے کی تیاری؟ ٹرمپ کے سامنے اسرائیل کے ساتھ مشترکہ کارروائی کا آپشن برقرار
واشنگٹن: امریکی صدر ڈونلڈ ٹرمپ کی جانب سے ایران کے خلاف اسرائیل کے ساتھ مل کر دوبارہ فوجی کارروائی کرنے کا امکان تاحال موجود ہے۔
اسرائیلی میڈیا کی ایک رپورٹ کے مطابق ٹرمپ نے اس حوالے سے ابھی کوئی حتمی فیصلہ نہیں کیا، تاہم ایشیا کے دورے سے واپسی کے بعد اس معاملے پر غور متوقع ہے۔
اسرائیلی نیوز ویب سائٹ ’’ماکو‘‘ نے معاملے سے واقف دو ذرائع کے حوالے سے بتایا ہے کہ ٹرمپ ایران کے خلاف مشترکہ امریکی اور اسرائیلی حملے کے آپشن پر غور کر رہے ہیں۔
رپورٹ کے مطابق ایک سینئر امریکی عہدیدار نے کہا ہے کہ ایران کو جوہری ہتھیار حاصل کرنے سے روکنے کے لیے صدر ٹرمپ کے پاس تمام آپشنز موجود ہیں۔
رپورٹ میں کہا گیا ہے کہ اسرائیلی وزیراعظم بن یامین نیتن یاہو امریکی صدر پر ایران کے خلاف فوجی کارروائی کے لیے دباؤ ڈال رہے ہیں۔ گزشتہ ہفتے اسرائیلی خفیہ ایجنسی موساد کے سربراہ رومن گوفمین نے بھی واشنگٹن کا دورہ کیا، جہاں انہوں نے اعلیٰ امریکی حکام سے ملاقاتیں کرکے ایران کے خلاف مزید سخت کارروائی کی حمایت کی۔
خبر رساں ادارے رائٹرز کی الگ رپورٹ کے مطابق گوفمین نے امریکی حکام کو ایران کے جوہری پروگرام سے متعلق اسرائیلی انٹیلی جنس معلومات بھی فراہم کیں۔ ان ملاقاتوں کو نیتن یاہو کی جانب سے ٹرمپ کو مشترکہ حملے پر آمادہ کرنے کی کوششوں کا حصہ قرار دیا گیا ہے۔
اسرائیلی میڈیا کے مطابق ٹرمپ نے تاحال ایران پر حملے کے حوالے سے کوئی حتمی فیصلہ نہیں کیا۔ توقع ہے کہ ایشیا کے دورے سے واپسی کے بعد امریکی صدر اس معاملے پر مزید غور کریں گے۔
اس پیش رفت سے ظاہر ہوتا ہے کہ ایران کے خلاف فوجی کارروائی کا امکان زیرِ غور ہے، تاہم فی الحال کسی نئے حملے کا اعلان یا حتمی فیصلہ سامنے نہیں آیا۔
Find Your Interest
- ‘Where was Mohammed Siraj?’: Ravi Shastri questions India’s pace selection after struggle to find ‘140 clicks’ in NZ 1st Test
- Texas A&M baseball lands two-way prospect
- حادثے میں پورے جسم کو بچانے والا حیرت انگیز چینی ہیلمٹ، حقیقت یا اے آئی کا کمال؟
- 80 favorite Cleveland Browns players, coaches, execs to cover | Opinion
- podcast: indian architects ask who shapes homes: algorithms or occupants
- Giants news: Toughest test this year, no more flips for Cam Skattebo, more
- The Bear’s Den: Bears presented interesting injury report Wednesday
- Flyers Game 25: Lines, Notes, & How to Watch @ Senators
- 'Dozy Don' Trump Appears To Sleep Off As Xi Jinping Speaks Ahead Of Historic APEC Summit | Video
- Barcelona close door on Alejandro Balde exit amid Man United links
Current
·
C2
·2026-11





